fbpx
ВестиВино

Бонтон: Чашата за вино не се покрива со рака

Однесувањето на масата, за време на ручек открива многу повеќе од она што сакаме да покажеме. Преку манирите многу лесно ќе забележите кои луѓе се добро воспитани и културни.

За да ги избегнете непријатните ситуации и да бидете категоризирани како пристојни и префинети, неопходно е да ги знаете следните правила.

Чашите се поставуваат од десната страна на чинијата, редоследно според консумирањето на пијалаците, од десно кон лево.

Првата чаша во низата треба да е за бело вино и од неа се пие за време на предјадењето или со риба. Ако со предјадењето оди пиво, тогаш најпрво се поставува чашата за пиво.

Втора се сервира чашата за црвено вино, која оди со сирење, а трета се става чаша за слатко вино кое се служи со колачот. На крај, се поставува чаша за вода.

Чашата за вино се држи со десна рака за дршката. Никогаш не точете повеќе од половина чаша.

Кога некој нешто ќе ве праша во моментот кога сакавте да голтнете вино, вратете ја чашата на место додека не му одговорите.

Ако пиете вино за време на јадењето, постојано бришете ја устата.

Ако не сакате да пиете вино, понудата одбијте ја со лесно мафтање на раката или повлечете ја чашата кон себе. Поклопувањето на чашата со рака никогаш не е културно.

Тагови

Слични написи

Back to top button
Close